Tofiq Yaqublu huşunu itirərək yıxılıb — Vəziyyəti ağırlaşıb
- 10-09-2020, 15:48
- Siyasət
"İndicə atayla görüşdük. Çox pisdir halı. Bütün sümüklərinin sızıldadığını və güclə yeridiyini bildirdi. Görüşə gələndə səndələyə-səndələyə gəlirdi. Dəhşət baş ağrılarının və başgicəllənmələrinin olduğunu bildirdi".''Azad Səs'' Demokrat.az-a istinadən xəbər verir ki, bunu həbsdə olan Müsavat partiyasının keçmiş sədr müavini Tofiq Yaqublunun qızı Nigar Həzi bildirib.
"Dedi ki: "Ayağa güclə qalxıram. İndi görüşə gələndə qolumdan tuta-tuta gətirdilər. Gəlib mənə deyirlər ki, pandemiyaya görə görüşə gələnləri bir-bir buraxırıq. Mən bilirdim ki, siz saat 10-un yarısından buradasınız. Ona görə də güclə olsa da ayağa durub, məni çağıracaqlarını gözlədim. 30 dəqiqə ayaqüstə gözlədim. Ancaq məni görüşə çıxarmırdılar. Qapını yumruqla bərk-bərk döyməyə başladım. Birdən huşumu itirdim. Çarpayının üstə yıxıldım. Həkim gəlib tez müayinə etdi. Bir müddət keçəndən sonra özümə gəldim. Təzyiqim 60-90 idi. Artıq sürətlə zəifləyirəm. Hər gün azı 700 qram çəki itirirəm. Aclığın 9-cu günü olsa da özümü 15-ci günündəki kimi hiss edirəm. Ancaq iradəm möhkəmdir. Bu işin zarafatı yox. Buradan mən ya azadlığa çıxacağam, ya da ki, buradan mənim meyidim çıxacaq!
Mənim həbsimə etiraz olaraq aksiyada iştirak edən hər kəsə təşəkkürünü bildirirəm. Ona dəstək olan hər kəsə minnətdarlığını bildirməmi istədi"" - Nigar Həzi qeyd edib.(yeniavaz.com)
