Aynişan: “Bədənini cəllad kimi kəsib, 8 saat narkozda saxlayıb..."
- 29-01-2021, 13:59
- Mədəniyyət
Əməkdar artist Aybəniz Haşımovanın qızı Aynişan Quliyeva estetik cərrah Könül Ağamirovanı sərt tənqid edib.''Azad Səs'' Pravda.az-a istinadən xəbər verir ki, bu barədə sosial şəbəkə hesabında yazan blogger həkimi yanlış əməliyyat etməkdə ittiham edib:
“Bədənini cəllad kimi kəsib, 8 saat narkozda saxlayıb, sonradan heç bir nəticə verməyən Könül Ağamirova, bu vəziyyətdə sizdən kimə şikayət edək? Xəstəxana deyir bizlik deyil. Siz də deyirsiniz gəl bir də doğrayım səni, alınmasa, ödənişi geri qaytaracağam... 43 yaşlı qadını yarıcan edib, bədənini sanki baltalanmış halda təslim etmisiniz və deyirsiniz gəl bu dəfə yaxşısını edəcəm? Tanıdığım qadının bütün bədəni irin verib, əyilib. Kiçiltmə əməliyyatında daha da böyüyən bədənini sizə borcludur. Amma siz bir həkim kimi məsuliyyəti üstünüzə almırsınız. Sizə necə həkim deyək? Qadın sadəcə ödədiyi məbləği geri almaq istəyirdi ki, getsin düzgün həkimə. Amma siz deyirsiniz ki, get ver məhkəməyə. Elə bu? Bu qədər asandır insan həyatı ilə oynamaq?! Qazandığı pulu onu heç edib yemək? Deyirsiniz biz vergi veririk pul yoxdur, bəs qəbz haradadır? Bu xanım cəllad kimi biçir insanı, sonra da dərdinə yaxın durmur”.
Aynişan həkimin ona hədə-qorxu gəldiyini qeyd edib:
“Zəng etdirib mənə hədə-qorxu gəlmək lazım deyil. Mənim arxamda həqiqət var. Bəlkə, bədənini biçdiyiniz qadının şəkillərini paylaşım? Niyə mən şəxsən xəstəxanaya gələndə belə əl-ayağa düşmədiniz?! İndi nə dəyişdi? İnsanlar həqiqəti bildi, müştəriniz azalacaq? Dərdiniz budur? Mənə hədə-qorxu gəlməyin! Mənim işim həqiqətləri çatdırıb, insanları sizdən qorumaqdır”.
