Prezident müğənniyə ev hədiyyə etdi
- 15-11-2019, 16:14
- Mədəniyyət
![](/uploads/posts/2019-11/medium/1573823733_6000.jpg)
Prezident İlham Əliyev Xalq artisti Bilal Əliyevə ev hədiyyə edib.
Azadses-in məlumatına görə, müğənni bu barədə sosial şəbəkədə məlumat yayıb. Bildirib ki, bu günə kimi təmirsiz, şəraitsiz evdə yaşayıb:
"Cənab Prezident, bu gün bizim ailəmizin sevincinin həddi-hüdudu yoxdur. Siz təmirsiz, şəraitsiz evdə yaşamağımı, 60 illik yubileyimi nəzərə alaraq, mənə gözəl bir mənzil hədiyyə etdiniz. Buna görə bütün ailəmiz, Bilal Əliyev sevənlər adından sizə sonsuz minnətdarlığımı bildirirəm. Allah sizi qorusun”.
Qeyd edək ki, Prezidentin B.Əliyevə hədiyyə etdiyi mənzil üçotaqlıdır.