Fuad Nağıyev: "Azərbaycanda turizm sahəsində güclü irəliləyişlər əldə olunub"
- 5-06-2025, 11:19
- İqtisadiyyat
"Report" xəbər verir ki, bunu Dövlət Turizm Agentliyinin sədri Fuad Nağıyev Bakıda keçirilən BMT Turizmin Avropa üzrə Regional Komissiyasının 71-ci iclasında deyib.
Onun sözlərinə görə, Azərbaycan 2001-ci ildən BMT Turizm Təşkilatının üzvüdür və bu illər ərzində onun işində fəal iştirak edib: “Üzvlüyümüz dövründə Azərbaycan İcraiyyə Şurasında üç dəfə təmsil olunub və 2017-ci ildə onun sədri vəzifəsini icra edib. Bu il biz 2025-2029-cu illər üçün Avropa regionu üzrə İcraiyyə Şurasına namizədliyimizi irəli sürmüşük, seçkilər bu gün burada keçirilir və biz qarşıdakı illərdə davamlı əməkdaşlıq və məhsuldar birgə səylər gözləyirik”.
F. Nağıyev qeyd edib ki, COVID-19 pandemiyasından sonra yaxşı bərpa olunmuş və xüsusilə Avropada genişləndirilmiş marketinq səyləri sayəsində turist axını ölkəyə artıb: "2024-cü ildə beynəlxalq ziyarətçilərin sayı 2023-cü illə müqayisədə 26 % artıb, turist xərcləri 5,1 milyard ABŞ dollarına çatıb”.
