KİV: ABŞ Tramp dövründə Paris iqlim sazişindən yenidən çıxa bilər
- 9-11-2024, 11:19
- Dünya
“Report” xəbər verir ki, bu barədə New York Times öz mənbələrinə istinadən məlumat yayıb.
Qeyd olunub ki, Trampın keçid komandası artıq iqlim və enerji sahələrində bir neçə icra sərəncamı hazırlayıb. Onlar ABŞ-ın Paris iqlim sazişindən çıxmasını və ölkənin qərbində neft hasilatının miqyasını artırmağa imkan verən qorunan təbii ərazilərin ərazisinin azaldılmasını nəzərdə tutur.
Bundan əlavə, Ətraf Mühitin Mühafizəsi Agentliyinin qərargahının və onun 7 min əməkdaşının Vaşinqtondan başqa şəhərə köçürülməsi müzakirə edilir.
Tramp həmçinin enerji sektorunda məhdudiyyətlərin sayını azaltmaq, neft, qaz və kömür hasilatını artırmaq məqsədilə Ağ Evin siyasətini müxtəlif departamentlər arasında koordinasiya etmək üçün yeni vəzifə tətbiq etmək niyyətindədir.
Tramp dəfələrlə qlobal istiləşmə anlayışının elmi əsaslılığına şübhə etdiyini bildirib. 2017-ci ildə o, ABŞ-ı Paris iqlim sazişindən çıxarıb. Respublikaçı iddia edirdi ki, o, Amerika sərvətini başqa ölkələrin xeyrinə bölüşdürür və onun müddəalarının həyata keçirilməsi ABŞ üçün milyonlarla iş yerinin itirilməsi ilə nəticələnə bilər. 2020-ci ilin noyabrına qədər ölkə sazişdən çıxmaq prosesini başa çatdırır, lakin 2021-ci ilin yanvarında Cozef Bayden ABŞ prezidenti olanda Vaşinqtonu Paris razılaşmasına qaytaran fərman imzalayır.
