Düşmənin Siyəzənə atdığı raketlərin qalıqları dənizə düşdü
- 22-10-2020, 12:55
- Siyasət
![](/uploads/posts/2020-10/medium/1603360394_lk1.png)
''Report''-un Şimal bürosunun məlumatına görə, Azərbaycan Hava Hücumundan Müdafiə bölmələri tərəfindən havada zərərsizləşdirilən raketlərin qalıqları Xəzər dənizinə düşüb.
Hazırda Siyəzən Rayon Polis Şöbəsinin əməkdaşları ərazini mühafizə edirlər. Ərazidən fotoları təqdim edirik.
Müdafiə Nazirliyinin məlumatına görə, oktyabrın 22-də səhər saatlarında Ermənistan ərazisindən Azərbaycan ərazisi əməliyyat-taktiki raket kompleksindən ballistik raketlərlə atəşə tutulub. Düşmən tərəfindən saat 07.00 radələrində Siyəzən rayonu istiqamətində 3 raket, saat 09.00 radələrində isə Qəbələ rayonu istiqamətində 2 raket və Kürdəmir rayonu istiqamətində 1 raket buraxılıb. Ermənistan silahlı qüvvələrinin hədəfi dinc əhali və mülki infrastruktur olub. Düşmənin raket hücumu nəticəsində tələfat yoxdur.
![](/uploads/posts/2020-10/medium/1603360362_lk2.png)
![](/uploads/posts/2020-10/medium/1603360391_lk3.png)