Ermənistan Oğuz-Qəbələ-Bakı su kəmərini hədəfə alıb, yaralanan var - FOTOLAR
- 22-10-2020, 11:53
- Siyasət
![](/uploads/posts/2020-10/medium/1603356741_w1.png)
Baş Prokurorluqdan ''Report'' -a verilən məlumata görə, 22 oktyabr 2020-ci il tarixdə səhər saatlarından başlayaraq Ermənistan silahlı birləşmələri mühüm dağıntılara səbəb ola bilən müharibə üsullarından istifadə edib cəbhə zonasından 150 km-dən artıq uzaqlıqda yerləşən Azərbaycan Respublikasının Qəbələ, Kürdəmir və Siyəzən rayonlarına “Skad” ballistik taktiki raketlər atıb.
Raket zərbələri nəticəsində Qəbələ rayon sakini, 2003-cü il təvəllüdlü Əmirbəyov Murad Ceyhun oğlu müxtəlif dərəcəli bədən xəsarətləri almış, kənd ərazisində yerləşən 5 yaşayış evinə ciddi ziyan dəyib.
Həmçinin, düşmən silahlı qüvvələri Abşeron yarımadasını içməli su ilə təchiz edən və ölkəmiz üçün xüsusi strateji əhəmiyytə malik Oğuz-Qəbələ-Bakı su kəmərini hədəfə alaraq raket atmış, lakin Ordumuzun hava hücumundan müdafiə qüvvələrinin zərərsizləşdirilməsi nəticəsində raketin hissələri su kəmərinin yaxınlığına düşüb.
Bununla bağlı prokurorluq əməkdaşları tərəfindən hadisə yerlərində zəruri istintaq tədbirləri və prosessual hərəkətlər həyata keçirilir.
![](/uploads/posts/2020-10/medium/1603356749_w2.png)
![](/uploads/posts/2020-10/medium/1603356711_w3.png)
![](/uploads/posts/2020-10/medium/1603356707_w4.png)
![](/uploads/posts/2020-10/medium/1603356748_w5.png)
![](/uploads/posts/2020-10/medium/1603356776_w6.png)