Gülay Kamillə boşanmasından danışdı
- 4-09-2020, 11:45
- Mədəniyyət
Müğənni Gülay Zeynallı həyat yoldaşı Kamil Zeynallıdan boşanması ilə bağlı xəbərlərə münasibət bildirib.''Azad Səs'' PARLA-ya istinadən xəbər verir ki, sənətçi bu barədə “MTV Azərbaycan”da yayımlanan “10-dan sonra” verilişində danışıb. Müğənni boşandığını üstüörtülü olsa da, etiraf edib:
“Hər kəs reytinq istəyir. Bu, jurnalistlərin işidir. Haqqımda yazılmalıdır. Amma düşünmək lazımdır ki, bu insan axı tək deyil. Bunun anası, ailəsi var. Bir insan nə yaşayırsa, alnına yazılan qismətdir. Bunu heç kim poza bilməz. Gedirəm, ayağım büdrəyir. Deyirəm ki, belə də olmalı imiş. Bunları qəbul edirəm, məcburam. Elə şeylər yazılır ki, ailəm pis olur”.
Qeyd edək ki, G.Zeynallı idmançı həyat yoldaşı ilə 2010-cu ildə ailə qurub. Onların Sahilə adlı qızları var. Ötən gün isə parla.az saytı cütlüyün boşanmasını təsdiq edən fotosənəd yayıb.
