Tramp: “Apple”, ”Samsung” və oxşar şirkətlərə qarşı rüsumlar iyunun sonunda tətbiq edilə bilər
“Report” xəbər verir ki, bu barədə ABŞ Prezidenti Donald Tramp Ağ evdə jurnalistlərlə söhbəti zamanı bildirib.
Trampdan “Apple”a qarşı 25 faizlik rüsumların tətbiq edilməsi imkanı haqqında son açıqlamasının digər smartfon istehsalçılarına təsir etməyəcəyi anlamına gəlib-gəlmədiyi soruşulub. “Onların (şirkətlərin – red.) sayı daha çox olacaq. Onların arasında “Samsung” və bu məhsulları istehsal edən digərləri də olacaq, əks halda bu ədalətsiz olardı”, – Amerika lideri deyib.
Eyni zamanda, Tramp rüsumların gələn ayın sonunda tətbiq edilə biləcəyini qeyd edib. “Düşünürəm ki, biz bunu iyunun sonuna qədər lazımi qaydada edəcəyik”, – o davam edib və əlavə edib ki, elektronika istehsalçıları zavodlarını ABŞ ərazisinə köçürsələr, rüsumlar tətbiq edilməyəcək.
