Tramp: ABŞ Çin üçün gömrük rüsumlarında heç bir istisna etməyib
“Report” xəbər verir ki, bu barədə Ağ ev rəhbəri “Truth Social” sosial şəbəkəsindəki səhifəsində yazıb.
“Heç kim ədalətsiz ticarət balansları və digər ölkələrin, xüsusilə də bu gün bizə qarşı ən pis davranan Çinin bizə qarşı istifadə etdiyi qeyri-pul rüsum maneələri üçün “qarmaqdan qurtula bilməyəcək”, – o qeyd edib.
Tramp bildirib ki, onun administrasiyası elektronika tədarük zəncirinin bütün hissələrinə qarşı ticarət rüsumlarının ABŞ-nin milli təhlükəsizlik maraqlarına uyğunluğu ilə bağlı araşdırma aparacaq.
“Bəlli olub ki, biz Birləşmiş Ştatlarda məhsul istehsal etməliyik və biz amerikan xalqına hörmətsizlik göstərmək üçün əllərindən gələni edəcək Çin kimi düşmən ticarət gücləri də daxil olmaqla, digər ölkələrin girovuna çevrilməyəcəyik”, – ABŞ Prezidenti əlavə edib.
