ABŞ Prezidentinin xüsusi nümayəndəsi yenidən Rusiyaya gedə bilər
“Report” xəbər verir ki, bu barədə “Wall Street Journal” məlumat yayıb.
Qeyd olunub ki, Londonda keçiriləcək görüşdə Uitkoffdan başqa ABŞ tərəfini dövlət katibi Marko Rubio və Ukrayna üzrə xüsusi elçi Kit Kelloqun da təmsil edəcəyi gözlənilir.
Məsləhətləşmələrdən sonra Vaşinqton, Avropa və Kiyevin mövqeləri üst-üstə düşərsə, Stiven Rusiyaya yenidən səfər edə bilər.
London görüşündə ABŞ-nin təklifləri müzakirə və əks əlaqə üçün potensial variantların siyahısı kimi təqdim olunacaq.
Qəzet qeyd edib ki, siyahıda, xüsusən, ilhaq edilən Krımın ABŞ tərəfindən rəsmi olaraq Rusiya kimi tanınması, Moskvanın işğal etdiyi regionlar üzərində nəzarətinin sırf tanınması və Ukraynanın NATO-ya daxil olmasının mümkünlüyü ilə bağlı müzakirələrin gündəmindən çıxarılması ilə bağlı məqamlar var.
ABŞ prezidenti Donald Trampın administrasiyası isə Kiyev münaqişənin sülh yolu ilə həllinə razılıq verəcəyi təqdirdə ona heç bir təhlükəsizlik zəmanəti təklif etməyib.
