Rubio: Ukraynanın 2014-cü il sərhədlərinə qayıtması çox çətin olacaq
- Dünən, 08:54
- Dünya
“Report” “The New York Times” qəzetinə istinadən xəbər verir ki, bu barədə ABŞ-nin dövlət katibi Marko Rubio Səudiyyə Ərəbistanına uçuş zamanı jurnalistlərə bildirib.
“Düşünürəm ki, hər iki tərəf bu vəziyyətin hərbi həllinin olmadığını anlamalıdır”, – o deyib. Rubionun sözlərinə görə, “aydındır ki, Ukraynanın rusiyalıları hər hansı bir ağlabatan müddət ərzində 2014-cü ildə olduqları yerə qaytarması çox çətin olacaq”.
Xatırladaq ki, Səudiyyə Ərəbistanında Amerika – Ukrayna danışıqlarının martın 11-də keçiriləcəyi gözlənilir. ABŞ tərəfindən danışıqlarda Rubio, prezidentin milli təhlükəsizlik üzrə müşaviri Maykl Uolts və Amerika liderinin xüsusi elçisi Stiven Uitkoff iştirak edəcəklər. Ukrayna nümayəndə heyətinə Ukrayna Prezidentinin Ofisinin rəhbəri Andriy Yermak, xarici işlər naziri Andriy Sibiha və müdafiə naziri Rustem Umerov daxil olacaq.
