OPEC+ neft hasilatının azaldılmasını müzakirə edəcək
Bu barədə “Report” “Reuters”ə istinadən xəbər verir.
“Brent” markalı neftin br barelinin qiyməti sentyabrda 98 dollardan (ABŞ) 79 dollara düşüb. Bu, tələb və gələn il gəlirlərin xərcləri üstələmə ehtimalı ilə bağlı narahatlıqlarla bağlı idi. OPEC+ ölkələrinin dəstəyi və Yaxın Şərqdəki münaqişə qiymətlərin düşməsinin qarşısını ala bilmədi.
Səudiyyə Ərəbistanı, Rusiya və digər OPEC+ üzvləri artıq neft hasilatını gündəlik 5,16 milyon barel, qlobal tələbatın təqribən 5%-i qədər azaltmağa söz veriblər. İxtisarlar 2022-ci ilin sonlarında başlayıb və OPEC+-dan gündəlik 3,66 milyon barel və Səudiyyə Ərəbistanı və Rusiyadan əlavə könüllü ixtisarlar daxildir.
Qurumdakı mənbə bildirib ki, neft hasilatına dair mövcud məhdudiyyətlər qiymətləri dəstəkləmək üçün kifayət etməyə bilər. OPEC+ ehtimal ki, növbəti iclasında əlavə tədbirlər tətbiq etməyi nəzərdən keçirəcək. Digər OPEC+ mənbələri də daha dərin ixtisarları istisna etmir.
"Əsaslar ümumi olaraq sabit qaldığı halda, növbəti görüş ərəfəsində bazar volatilliyinin artdığını görmək məyusedicidir. Çox güman ki, nazirlər sabit tendensiyanı təmin etmək üçün daha nə etmək lazım olduğuna dair bəzi fikirlərə sahib olacaqlar", - OPEC-dəki mənbələrdən biri bildirib.
Noyabrın 26-da Neft İxrac Edən Ölkələr Təşkilatını və Rusiyanın başçılıq etdiyi müttəfiqlərini birləşdirən OPEC+ ölkələrinin nazirləri 2024-cü il üçün planları müzakirə edəcəklər. Qrup artıq gələn il neft hasilatını sutkada 3,66 milyon barel azaltmağa razılaşıb, lakin neftin qiymətinin düşməsi fonunda daha da azaldılması barədə düşünə bilər.
