Azərbaycanın 5 ayda ixrac etdiyi neftin və təbii qazın həcmi açıqlanıb
- 13-06-2023, 21:42
- Manset / İqtisadiyyat
“Report” xəbər verir ki, bunu energetika naziri Pərviz Şahbazov tviterdə bildirib.
Nazir əlavə edib ki, bu dövrdə 3 % artımla hasil edilmiş 20,2 milyard kubmetr təbii qazın isə 10,3 milyard kubmetri ixrac olunub.
Hazırda Azərbaycandan Bakı-Tbilisi-Ceyhan boru kəməri ilə "Azəri-Çıraq-Günəşli" yataqlar blokundan hasil edilən neft və "Şahdəniz" yatağından hasil edilən kondensat nəql olunur. Bundan əlavə, boru kəməri ilə Türkmənistan və Qazaxıstandan neft nəql edilir.
Təbii qaz həcmləri Cənubi Qafqaz Boru Kəməri (Bakı-Tbilisi-Ərzurum) və Trans-Anadolu Qaz Boru Kəməri (TANAP) vasitəsilə Türkiyə bazarına çatdırılır. Bakı-Tbilisi-Ərzurum kəməri ilə ilk qaz Türkiyə bazarına 2007-ci ildə daxil olub. TANAP vasitəsilə Türkiyəyə kommersiya qazının nəqlinə isə 2018-ci il iyunun 30-da başlanılıb.
Türkiyəyə Azərbaycanın “Şahdəniz” yatağından hasil edilən təbii qaz nəql olunur.
