Zaqatalada evdə partlayış, xəsarət alanlar var
- 28-11-2021, 20:42
- Hadisə
![](/uploads/posts/2021-11/medium/1638118079_yangin.gif)
"Azadsəs.az"ın məlumatına görə, hadisə günorta saatlarında rayonun Əliabad qəsəbəsində baş verib.
Belə ki, qəsəbə sakini, 1955-ci il təvəllüdlü Gülçöhrə Mahmud qızı Balakişiyevaya məxsus fərdi yaşayış evində qaz sızması səbəbindən partlayış olub.
Anidən baş verən partlayış nəticəsində qaz sobasının yerləşdiyi otaqda olan Gülçöhrə Balakişiyeva, 1967-ci il təvəllüdlü Ramiz Tapdıq oğlu Umaxanov və 1957-ci il təvəllüdlü Abdurahman Araz oğlu Balakişiyev müxtəlif dərəcəli yanıq xəsarətləri alaraq Zaqatala Rayon Mərkəzi Xəstəxanasına yerləşdiriliblər.
Hər üç yaralıya 2-3-cü dərəcəli termiki yanıq xəsarətləri dioqnozu qoyulub.
Faktla bağlı araşdırma aparılır.