Liviyada toqquşmalar zamanı məhbuslar həbsxanadan qaçıb

Liviyanın paytaxtı Tripolinin şərqində yerləşən Əl-Cədid həbsxanasından məhbuslar qaçıb.

“Report” xəbər verir ki, bu barədə “Al Jazeera” telekanalı məlumat yayıb.

Paytaxtın əyalət polisinin verdiyi açıqlamaya görə, qaçan məhbusların əksəriyyəti ağır cinayətlərə görə məhkum edilənlərdir.

Liviya paytaxtının azı üç bələdiyyəsi də atışma səbəbindən təhsil müəssisələrində dərsləri və imtahanları dayandırıb.