KİV: Trampın andiçmə günündə genişmiqyaslı etirazlar gözlənilmir
- 14-01-2025, 10:30
- Dünya
“Report” xəbər verir ki, bu barədə “Washington Post” məlumat yayıb.
Qeyd olunub ki, Milli Park Xidmətinin Amerika paytaxtının mərkəzində keçirilməsi planlaşdırılan böyük etiraz aksiyaları barədə məlumatı yoxdur.
Yanvarın 18-də Vaşinqtonda Trampın siyasi proqramının əleyhdarlarının gələcəyi gözlənilən “Xalq marşı”nın keçirilməsi planlaşdırılır. Təşkilatçılar tədbirə 50 min insanın qatılacağını gözləyirlər.
Bu rəqəm 2017-ci ildə 470 min insanın iştirak etdiyi analoji mitinqdən xeyli azdır.
Qəzetin məlumatına görə, 4 minə yaxın polis, həmçinin ABŞ Milli Qvardiyasının 7800 hərbçisi inauqurasiya günündə ictimai asayişin qorunmasında paytaxt polisinə köməklik göstərəcək.
