Bu yerlər avqustun 5-dən sonra da bağlı qalacaq
- 3-08-2020, 13:40
- Cəmiyyət
![](/uploads/posts/2020-08/medium/1596451241_senedlesme34.jpg)
Xəbər verdiyimiz kimi Ümumdünya Səhiyyə Təşkilatı dünya üzrə fövqəlada vəziyyəti 3 ay uzatdı. Qeyd edək ki, Azərbaycanda sət karantin rejiminin avqustun 5-də bitməsi nəzərdə tutulur.Lakin sərt karantin rejiminin uzadılması ilə bağlı iddialar da var. Avqustun 5-də sərt karantin rejimi yumşaldıla bilərmi?
Bununla bağlı Sonxeber.az-a danışan deputat Cavid Osmanov bildirib ki, bir çox ölkələrdə pandemiya təkrar baş qaldırıb: "İkinci dalğa kimi də bunu adlandırırlar. Sərhədlərini açan ölkələr də var idi. Amma qısa zaman onu göstərdi ki, bu yalnış addımlar idi. Nə qədər ki, bu virusa peyvənd və yaxud da vaksin tapılmayıb, qoyulan qaydalara ciddi əməl edilməlidir. Sosial məsafə qorunmalı, tibbi maskadan istifadə edilməlidir. Əlbəttə ölkəmizdə də artıq yoluxanların sayı təxmini 3 dəfə aşağı düşüb. Beynəlxalq təcrübə onu göstərir ki, rəqəmlərə baxıb yanlış addım atmaq olmaz. İstənilən sahənin fəaliyyətinə icazə verilərsə, yumşalma olarsa orada ciddi qaydalar hazırlanmalıdır.Qoyulan qaydalara da əməl edilməlidir. Buraxılan kiçik səhv yoluxanların sayının yenidən sürətlə artmasına səbəb ola bilər. Qərb ölkələrinə baxsaq görərik ki, onların bəziləri 3-cü dəfə sərt karantin rejimi tədbiq edilir. Hər halda Nazirlər Kabineti yanında Opeativ Qərargah bütün bu məsələlərə aydınlıq gətirərək.
Mövcud vəziyyəti düzgün analiz edərək doğru qərar verəcək. Ümumdünya Səhiyyə Təşkilatının dünya üzrə fövqəlada vəziyyəti 3 ay uzatması ilə bağlı verdiyi qərara hər kəs məsuliyyətlə yanaşmalıdır. Düşünürəm ki, iri ticarət mərkəzləri, hamam və fitness təhlükəli fəaliyyət növləridir. İnsanlar daha çox sıx münasibətdə olur. İstənilən fəaliyyət növündə qoyulan karantin qaydalarına əməl edilməlidi".