BMT-nin Baş katibi Dağlıq Qarabağda atəşkəs haqqında sazişi alqışlayıb
- 11-11-2020, 14:01
- Siyasət
![](/uploads/posts/2020-11/medium/1605092450_csdc.jpg)
''Azad Səs'' “Report”-a istinadən xəbər verir ki, təşkilatın mətbuat katibi Stefan Düjarrik deyib: “Baş katib döyüş əməliyyatlarının dayandırılması barədə saziş əldə olunması faktını rəğbətlə qarşılayıb. Biz Rusiyanın hakimiyyət orqanlarına bu məsələdə oynadıqları müsbət rola görə çox minnətdarıq. Dinc əhalinin iztirabının başa çatacağına ümidlər rahatlıq hissləri əmələ gətirir.
Mülki əhali, humanitar əlçatanlığın təmin edilməsi və insan həyatının xilası məsələləri daim bizim diqqət mərkəzimizdə olub”.
S.Düjarrik bildirib ki, BMT-nin Qaçqınlar üzrə Ali Komissarlığının nümayəndələri öz mandatına uyğun olaraq, sazişin şərtlərinin yerinə yetirilməsində tərəflərə kömək edəcəklər. Hazırda bu məsələ üzrə danışıqlar aparılır.
KİV-lərin yaydığı məlumata görə, əldə olunan razılaşmaya əsasən qaçqınlar və məcburi köçkünlər Dağlıq Qarabağ ərazisinə və ona bitişik rayonlara BMT-nin Qaçqınlar üzrə Ali Komissarlığının nəzarəti altında qayıtmalıdır.