FHN-in müvafiq qüvvələri Ağdam və Tərtərə cəlb edilib
- 27-09-2020, 18:41
- Siyasət
![](/uploads/posts/2020-09/medium/1601221292_tytytyt.jpg)
FHN-in Mətbuat Xidmətindən "Report"a verilən məlumata görə, düşmənin təxribatı zamanı dinc əhalinin sıx yaşadığı yaşayış məntəqələri də atəşə məruz qalıb. Nəticədə mülki əhaliyə məxsus fərdi yaşayış evləri və digər mülki obyektlər dağıdılıb, dinc əhalinin əmlakına ciddi ziyan yetirilib.
Ermənistan silahlı qüvvələrinin atdığı mərmilər nəticəsində Ağdam və Tərtər rayonlarında yerləşən fərdi yaşayış evləri və mülki obyektlərdə baş vermiş yanğınların söndürülməsi üçün Fövqəladə Hallar Nazirliyinin Dövlət Yanğından Mühafizə Xidmətinin müvafiq qüvvələri dərhal əraziyə cəlb edilib.
Görülmüş operativ tədbirlər nəticəsində yanğınlar qısa müddətdə söndürülüb.