Şəhidimiz dəfn edildi
8-01-2020, 12:01. Разместил: azadses
Azərbaycanın şəhid olan sərhədçi əsgəri dəfn edilib. Fərzəliyev Fərzəli Əlimürsəl oğlu Ucar rayonunun Alpı kənd qəbiristanlığında torpağa tapşırılıb. Dəfn mərasimində Dövlət Sərhəd Xidmətinin, Ucar Rayon İcra Hakimiyyətinin, Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin rəsmiləri, hüquq-mühafizə orqanlarının əməkdaşları, şəhidin ailə üzvləri, yaxınları, komandirlərii və əsgər yoldaşları eyni zamanda rayon ictimaiyyətinin nümayəndələri iştirak ediblər.
Saat 10:28
Yanvarın 7-si saat 14:56 radələrində Qazax rayonunun Quşçu Ayrım kəndi istiqamətində düşmən tərəfindən açılan snayper atəşi nəticəsində şəhid olan sərhədçi əsgər Fərzəliyev Fərzəli Əlimövsüm oğlunun nəşi ailəsinə təhvil verilib. Azadsəs-in məlumatına görə, meyit gecə saatlarında ailənin yaşağıdı kəndə gətirilib. Mərhum bu gün doğulduğu Ucarın Alpı kəndində dəfn olunacaq.
F.Fərzəliyev 2018-ci ilin oktyabr ayında Səfərbərlik və Hərbi Xidmətə Çağırış üzrə Dövlət Xidmətinin Ucar rayon şöbəsindən hərbi qulluğa çağırılıb. O, 3 uşaqlı ailənin iki oğlundan biri olub.
Вернуться назад