İrlandiyalı siyasətçi: “Azərbaycan ərazi bütövlüyünü bərpa edib”
2-10-2023, 15:14. Разместил: azadses
“Report” “Irish Independent”ə istinadən xəbər verir ki, bunu Dublində Azərbaycan parlamentinin nümayəndə heyətini müşayiət etmiş sabiq senator Terri Leyden deyib.
"Onlar öz ərazilərini geri aldılar, bu onların hüququdur. Şərqi Doneqal ingilislər və ya müstəmləkəçilər tərəfindən işğal olunsaydı, biz nə edərdik?" – o bildirib.
Parlamentin aşağı palatasının sədri Şon O'Faril isə deputatlardan Milli Məclisin sədri Sahibə Qafarovanın başçılıq etdiyi nümayəndə heyətini səmimi qarşılamağı xahiş edib.
O, ölkələrin ərazi bütövlüyünə və istənilən mübahisənin sülh yolu ilə həllinə tərəfdar olduğunu qeyd edib: "Biz ölkələrin ərazi bütövlüyünə hörmət edirik. İnsan hüquqlarının qorunmasına, təşviqinə, istənilən vəziyyətin sülh yolu ilə həllinə tərəfdarıq".
Qeyd edək ki, Azərbaycan nümayəndə heyəti Parlament Sədrlərinin Avropa Konfransında iştirak etmək üçün ötən həftə Dublində səfərdə olub.
Вернуться назад