Tramp Milli Qvardiyanı Arkanzasa göndərib
"Report" xəbər verir ki, bu barədə ABŞ lideri "Truth Social" sosial şəbəkəsində yazıb.
"Biz Cənub və Orta Qərbdə bir çox ştatları vuran şiddətli tornadoları və tufanları fəal şəkildə izləyirik. Milli Qvardiya Arkanzasa yerləşdirilib və mənim administrasiyam bu fırtınadan sonra icmaların bərpası üçün çalışdıqları ştat və yerli rəsmilərə bütün lazımi yardımı göstərməyə hazırdır", - Tramp bildirib.
ABC-nin məlumatına görə, Arkanzas, İllinoys, İndiana, Kentukki, Missisipi, Missuri və Texas ştatlarını vuran tornado və tufanlar təxminən 138 milyon insana təhlükə yaradır. Bundan başqa, ekstremal hava şəraiti artıq meşə yanğınlarının yayılmasına səbəb olub. Göstərilən ərazilərdə 100-dən çox yanğın ocağı qeydə alınıb.
