Şahzadə Endryunun müşaviri Çinə casusluq etdiyinə görə Britaniyaya girişi qadağan edilib
“Report” xəbər verir ki, bu barədə “Times” qəzeti məlumat yayıb.
Adı açıqlanmayan şəxs şahzadə Endryu ilə sıx əlaqədə olub, Çində investor axtararkən onun adından hərəkət edib və hətta 2021-ci ildə kral ailəsinin ad gününə dəvət olunub. İş adamı eyni zamanda Böyük Britaniya hüquq-mühafizə orqanlarının da diqqətini çəkib.
2021-ci ildə o, terrorla mübarizə qanunvericiliyi çərçivəsində Böyük Britaniyaya daxil olan sərhəd nəzarəti məntəqəsində saxlanılıb və hüquq-mühafizə orqanlarının əməkdaşları tərəfindən onun mobil cihazı yoxlanılıb.
Nəşr əlavə edib ki, 2023-cü ilin fevralında sahibkar Britaniya Daxili İşlər Nazirliyinin o zamankı rəhbəri Suella Braverman tərəfindən nəzərdən keçirilən ölkəyə giriş qadağası ilə bağlı qərar qəbul edilənədək Pekin-London reysindən uzaqlaşdırılıb. Nəhayət, Britaniya hakimiyyəti həmin adamı qara siyahıya salıb. İş adamı Xüsusi İmmiqrasiya Apellyasiya Komissiyası vasitəsilə Böyük Britaniyaya giriş qadağasına etiraz etməyə çalışıb, lakin rədd cavabı alıb.
Qəzetin yazdığına görə, kişi peşəkar karyerasına Çində dövlət qulluqçusu kimi başlayıb, lakin 2002-ci ildə ingilis dilini öyrənmək üçün Londona köçüb. Daha sonra o, York Universitetində Dövlət İdarəçiliyi fakültəsində təhsil aldığı magistr dərəcəsini tamamlayıb. 2005-ci ildə Çin bazarında fəaliyyət göstərən Britaniya firmalarına konsaltinq xidmətləri göstərən şirkət qurub. 2013-cü ildə Böyük Britaniyada yaşamaq icazəsi alıb.
