Saçların daranması zamanı tökülməyə səbəb olan səhvlər: Trixoloqdan TÖVSİYƏLƏR
Oxu.Az-ın "The Sun"a istinadən verdiyi məlumata görə, bu barədə ABŞ-dan olan trixoloq Melissa Mallam xəbərdarlıq edib.
Onun sözlərinə görə, bir çox qadın saçlarının uclarını açmadan əsas uzunluğu daramağa çalışır.
"Saçları köklərdən başlayaraq tədricən uclara doğru daramaq lazımdır. Ucları əvvəlcədən açmaq, saç gövdələrinin qırılmasına və saç tökülməsinə səbəb ola bilər" , - deyə trixoloq bildirib.
Mütəxəssis qeyd edib ki, düzgün saç baxımı quruluğun və kövrəkliyin qarşısını almağa kömək edir.
"Saçları qurudarkən pambıqdan deyil, mikrofiber dəsmallardan istifadə etmək daha məqsədəuyğundur, çünki bu, dolaşmaya səbəb olan arzuolunmaz sürtünməni azaldır. Həmçinin saç düzümü üçün ipək və ya atlas rezinlərdən istifadə etmək tövsiyə olunur. Bu cür rezinlər saçları dartmır və onların elastikliyini qoruyur. Həmçinin ipək və atlas materiallardan hazırlanmış yastıq üzləri saç gövdələrini qoruyur" , - deyə Mallam əlavə edib.
