“Global Leasing” nizamnamə kapitalını kəskin artırıb
6-08-2020, 09:15. Разместил: azadses
“Global Leasing” QSC nizamnamə kapitalını 160 min manat və yaxud 81 dəfə artıraraq 2 min manatdan 162 min manata çatdırıb.Bu barədə “Report”a şirkətin direktoru Elvin Yolçiyev məlumat verib.
Onun sözlərinə görə, kapital artımı üçün “Global Leasing”in dövriyyədə olan 1 000 ədəd səhminin nominal dəyəri 2 manatdan 162 manata qaldırılıb.
“Bu da son deyil. İlin sonuna qədər nizamnamə kapitalını təxminən 700 min manata çatdırmaqla bağlı planımız var. Çünki, lizinq portfelini genişləndirməyi düşünürük”, - direktor qeyd edib.
Xatırladaq ki, “Global Leasing” 2018-ci ildə yaradılıb. Səhmdar cəmiyyəti əsasən kənd təsərrüfatı sahəsində maliyyələşdirmə ilə məşğuldur.
Вернуться назад