Müvafiq istiqamətdə görülən işlərdən biri də müasir texnologiyalara əsaslanan fındıq emalı müəssisələrinin yaradılmasıdır. Belə müəssisələrdən biri də “Agrarco” MMC-nin Zaqatala rayonunda tikilən fındıq emalı fabrikidir.
Hazırda müəssisədə son tamamlama işləri aparılır. İldə yeddi min ton fındıq ləpəsi emal etmək gücündə olan fabrikdə 150 iş yeri olacaq.
Ümumi investisiya dəyəri 34,3 milyon manat olan layihəyə İqtisadiyyat Nazirliyi tərəfindən investisiya təşviqi sənədi verilib. Müəssisənin yaxın vaxtlarda istifadəyə verilməsi nəzərdə tutulur.