IMF: Azərbaycanın nominal ÜDM-i ilk dəfə 2030-ci ildə 100 milyard ABŞ dollarını ötəcək
- Bu gün, 15:42
- İqtisadiyyat
“Report” IMF-yə istinadən xəbər verir ki, 2025-ci ildə Azərbaycanda ÜDM-in nominal həcmi 3,5 % real artımla 134,078 milyard manat (78,87 milyard ABŞ dolları) səviyyəsində gözlənilir.
Məlumata görə, 2026-cı ildə ölkədə ÜDM-in nominal həcmi 2,5 % real artımla 139,182 milyard manat (81,872 milyard ABŞ dolları), 2027-ci ildə 2,4 % real artımla 145,847 milyard manat (85,792 milyard ABŞ dolları), 2028-ci ildə 2,4 % real artımla 153,556 milyard manat (90,327 milyard ABŞ dolları), 2029-cu ildə isə 2,5 % real artımla 162,135 milyard manat (95,373 milyard ABŞ dolları) səviyyəsində proqnozlaşdırılır.
Proqnozlara görə, 2025-ci ildə qeyri-neft sektorunda ÜDM-in nominal həcmi 94,674 milyard manat (illik artım 10,46 %), 2026-cı ildə 102,595 milyard manat (+8,37 %), 2027-ci ildə 110,434 milyard manat (+7,64 %), 2028-ci ildə 118,825 milyard manat (+7,6 %), 2029-cu ildə isə 127,903 milyard manat (+7,64 %), 2030-cu ildə isə 137,675 milyard manat (+7,64 %) təşkil edəcək.
Azərbaycan hökuməti cari ildə ÜDM-i 129,2 milyard manat (+3,7 %) səviyyəsində proqnozlaşdırır. 2024-cü ildə Azərbaycan iqtisadiyyatı 4,1 % artaraq 126,3 milyard manat təşkil edib. Qeyri-neft-qaz sektorunda ÜDM isə 6,2 % artıb. Lakin 2025-ci ilin yanvar-mart aylarında iqtisadi artım tempi 0,3 %-ə qədər yavaşlayıb.
