II Azərbaycan Milli Şəhərsalma Forumuna qeydiyyat üçün bir neçə gün qalıb
- 22-09-2023, 13:35
- İqtisadiyyat
Bu barədə "Report"a Dövlət Şəhərsalma və Arxitektura Komitəsindən bildirilib.
Xatırladaq ki, forum 29 sentyabr – 1 oktyabr tarixlərində Komitə ilə BMT-nin Məskunlaşma Proqramının birgə təşkilatçılığı ilə keçiriləcək. Tədbir işğaldan azad edilmiş Zəngilanda və paytaxt Bakıda “Şəhərsalma Həftəsi” çərçivəsində baş tutacaq.
Müxtəlif ölkələrdən dövlət rəsmiləri, yerli və xarici mütəxəssislərin bir araya gələcəyi 3 günlük forumda “Dayanıqlı şəhərlər iqtisadi inkişafın və bərabərsizliklə mübarizənin aparıcı qüvvəsi rolunda” mövzusu altında inklüziv, ağıllı və dayanıqlı urbanizasiyaya əsaslanan təcrübə və yeni yanaşmalar, beynəlxalq əməkdaşlıq imkanları müzakirə ediləcək. Həmçinin Forum müddətində Türk Dövlətləri Təşkilatının Nazirlərinin dayanıqlı inkişaf məqsədlərinə nail olmaq üçün regional çağrışlar istiqamətində toplantıları keçiriləcək.
