Bakıda Şumaxerin rekordu qırıldı - FOTO
12-06-2022, 15:49. Разместил: admin
“Alpine” komandasının ispaniyalı pilotu Fernando Alonso Formula 1-də ən uzunmüddətli karyera üzrə Mixael Şumaxerin rekordunu qırıb.Bu barədə çempionatın “Twitter” səhifəsində məlumat verilib.
Alonso yarış seriyasında debütünü 2001-ci ildə Avstraliyadakı mərhələdə edib. 12 iyun 2022-ci il bazar günü o, Azərbaycan Qran Prisində yarışa çıxmaqla alman pilotun nailiyyətini üstələyib.
Beləliklə də, o, Formula1-də artıq 21 il, üç ay və səkkiz gündür ki yarışır.
Şumaxerin karyerası 21 il üç ay davam edib. O, sonuncu dəfə 2012-ci ildə Braziliya Qran Prisində çıxış edib.
Qeyd edək ki, Alonso iki dəfə (2005 və 2006-cı illərdə) dünya çempionu olub. Şumaxerin isə yeddi çempion titulu var.
Вернуться назад