Zəfər Kubokunda daha 3 oyun keçirilib - FOTO
8-05-2022, 18:19. Разместил: admin
İdman Araşdırmalar Mərkəzi (İAM) və ETOPAZ-ın 10 illik yubileyi münasibətilə jurnalistlər arasında mini-futbol üzrə Zəfər Kubokunda daha 3 oyun keçirilib.“Report”un məlumatına görə, günün ilk matçında “Füzuli” və “Cəbrayıl” komandaları üz-üzə gəliblər. A qrupundakı qarşılaşma “Cəbrayıl”ın 4:2 hesablı qələbəsi ilə başa çatıb.
B qrupunda “Suqovuşan” “Şuşa” komandasını sınağa çəkib və rəqibini 9:1 hesabı ilə darmadağın edib.
C qrupunda isə “Kəlbəcər” “Laçın”ı 2 cavabsız qolla məğlub edib.
Zəfər Kuboku
8 may
A qrupu, I tur
“Füzuli” – “Cəbrayıl” - 2:4
Qollar: Murad Əliyev (2) - Əli Raufoğlu (3), Ruslan Mikayıllı
B qrupu, II tur
“Suqovuşan” – “Şuşa” - 9:1
Qollar: Nurşən Quliyev (6), Xalid Ağəliyev, İlkin Əhmədov, Vüsal Hacı - Nicat Abbasov
C qrupu
“Kəlbəcər” – “Laçın” - 2:0
Qollar: Asif Nərimanoğlu, Ceyhun Rəhimov
Qeyd edək ki, Zəfər Kuboku Azərbaycanın ilk onlayn qanuni mərc saytı ETOPAZ-ın baş sponsorluğu, “Kəhriz su”nun və “Traumotology Orthopedic Center”in (TOC) tərəfdaşlığı, “Report” agentliyinin informasiya dəstəyi ilə gerçəkləşir.
Вернуться назад