KİV: Neymar Səudiyyə Ərəbistanı çempionatını tərk etməyi düşünür
- 26-09-2023, 10:28
- İdman
“Report”un məlumatına görə, bu barədə “Sport.es” xəbər verib.
Mənbənin məlumatına görə, Neymar 2026-cı ildə keçiriləcək növbəti dünya çempionatında iştiraka adekvat hazırlaşmaq üçün növbəti mövsümün sonunda Braziliyanın “Santos” klubuna qayıtmaq niyyətindədir.
Neymarın ətrafı onun “Əl-Hilal” ilə dörd illik deyil, bir illik müqavilə imzaladığını iddia edir.
Həmçinin bildirilir ki, Neymar 2026-cı ildə keçiriləcək futbol üzrə dünya çempionatının başlamasına bir il qalmış kluba qayıtmaq xahişi ilə “Santos”a şəxsən müraciət edib.
Xatırladaq ki, Neymar yay transfer pəncərəsində “Əl-Hilal”a keçib. O, bu mövsüm klubda üç oyun keçirib və iki məhsuldar ötürmə edib.
