"Bavariya" 9-cu dəfə Almaniya Super Kubokunun qalibi olub
![](/uploads/posts/2021-08/medium/1629248682_40d7976c-8470-3657-986c-3a88967d7f5f_850.jpg)
“Report” xəbər verir ki, görüş Dortmundda "Siqnal İduna Park" stadionunda keçirilib və qonaqların 3:1 hesablı qələbəsi ilə başa çatıb.
Qarşılaşmada hesab 41-ci dəqiqədə açılıb - Robert Levandovski fərqlənib. Bundan 8 dəqiqə sonra hücumçu Tomas Müller Levandovskinin ötürməsi ilə Münhen komandasının hesabdakı üstünlüyünü artırıb. Matçın 64-cü dəqiqəsində "Borussiya"nın hücumçusu Marko Roys hesab arasındakı fərqi azaldıb. Lakin bu da son olmayıb - 74-cü dəqiqədə Levandovski dubl edərək, görüşdə son nöqtəni qoyub.
Beləliklə, "Bavariya" Almaniya Super Kubokunun qalibi olub. Münhen klubu qazandığı kubokların sayına görə liderdir — "Bavariya"nın hesabında Almaniyanın doqquz Super Kuboku var.