Abşeronda həyat yoldaşını və körpəsini öldürməkdə təqsirləndirilən şəxsin məhkəməsində qərar qəbul edilib
18-01-2024, 15:41. Разместил: azadses
"Report"un məlumatına görə, hakim Nurəddin Hüseynlinin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Zərərçəkmiş şəxsin vəkili prosesin qapalı keçirilməsi ilə bağlı vəsatət qaldırıb.
Məhkəmə qısa müşavirədən sonra vəsatət təmin edilib.
Məhkəmənin ilk baxış iclası fevralın 1-də keçiriləcək.
Qeyd edək ki, hadisə 2023-cü ilin iyun ayında Abşeron rayonunun Qobu qəsəbəsində qeydə alınıb. 1993-cü il təvəllüdlü Hüseynli Fərid Firdövsü oğlu 2003-cü il təvəllüdlü həyat yoldaşı Hüseynli Leyla Əlişan qızına və 8 aylıq körpəsinə kəsici-deşici alətlə xəsarət yetirərək öldürməkdə ittiham olunur. Daha sonra o, özünə xəsarət yetirib və xəstəxanaya yerləşdirilib.
Ona qarşı Cinayət Məcəlləsinin 120.2.4-cü (Qəsdən adam öldürmə - xüsusi amansızlıqla və ya ümumi təhlükəli üsulla adam öldürmə) maddəsi ilə ittiham irəli sürülüb.
Xatırladaq ki, L.Hüseynli Bakı Dövlət Universitetinin Biologiya fakültəsinin III kurs tələbəsi olub.
Вернуться назад