DTX-nin həbs etdiyi icra başçısı məhkəməyə çıxarılır
12-12-2020, 10:35. Разместил: azadses
Bu gün Neftçala rayon İcra Hakimiyyətinin sabiq başçısı İsmayıl Vəliyev, onun birinci müavini Vurğun Əkbərov, şöbə müdiri Vüqar Nağıyev, Rayon Təhsil şöbəsinin müdiri Əjdər Kərimov, YAP-ın Neftçala rayon təşkilatının sədri Anar Cəfərov, rayon Mərkəzi Xəstəxanasının baş həkimi Telman Zahidovun həbs müddətinin uzadılması ilə bağlı təqdimata baxılacaq.''Azad Səs'' Pravda.az-a istinadən xəbər verir ki, sonuncu dəfə sentyabrda həbs müddəti 3 ay uzadılan şəxslərin təcridxanada qalma müddəti bir neçə gün sonra bitir.
Buna görə də istintaq həbs müddətinin uzadılması üçün Səbail rayon məhkəməsinə təqdimat verib. İşə hakim Rəna Qafarovanın sədrliyi ilə baxılacaq.
Qeyd edək ki, İ.Vəliyev və digərləri Dövlət Təhlükəsizliyi Xidmətinin (DTX) keçirdiyi əməliyyatla saxlanılıb.
Onlar barəsində rüşvət, mənimsəmə, vəzifə səlahiyyətlərindən sui-istifadə və s. əməllərlə bağlı Cinayət Məcəlləsinin müvafiq maddələri ilə ittiham verilib
Вернуться назад