Yevlaxda şirkətdən 6 min manatlıq oğurluq edilib
- 26-11-2020, 11:16
- Hadisə
![](/uploads/posts/2020-11/medium/1606378501_gvjhbn.jpg)
''Azad Səs'' ''Report''-a istinadən xəbər verir ki, DİN-in Mətbuat Xidmətinin Bərdə regional qrupundan bildirilib ki, noyabr ayının 18-də Yevlax RPŞ-yə “Kaskad Hidro” şirkətinə məxsus 6 000 manat dəyərində təmir-tikinti alət və avadanlıqlarının oğurlanması barədə məlumat verilib.
Məlumatla əlaqədar polis əməkdaşları tərəfindən həyata keçirilmiş əməliyyat-axtarış tədbirləri nəticəsində oğurluq əməlini törətməkdə şübhəli bilinən Yevlax rayon sakini Vüsal Nəsibov, Mingəçevir şəhər sakinləri Elşad Məmmədov və Vahid Hacıyev saxlanılıb.
Dindirilmə zamanı hər üç şəxs törətdiyi cinayət əməlini etiraf edib. Oğurlanan əşyaların yeri müəyyən edilərək maddi sübut kimi götürülüb.
Faktla bağlı Yevlax RPŞ-də araşdırmalar davam etdirilir.