Bakıda kişi keçmiş arvadını və iki uşağını bıçaqladı
- 28-10-2020, 09:08
- Hadisə
Paytaxtın Xəzər rayonunda bir ailənin üç üzvü bıçalanıb.''Azad Səs'' Demokrat.az-a istinadən xəbər verir ki, hadisə Binə qəsəbəsində baş verib.
Məhəllə 2146-23 ünvanında yaşayan 1975-ci il təvəllüdlü Əhmədova Elnurə Zakir qızı, onun oğlu 1999-cu il təvəllüdlü Əhmədov Kamran Afiq oğlu və qızı 2003-cü il təvəllüdlü Əhmədova Günel Afiq qızı müxtəlif dərəcəli bıçaq xəsarətləri alıb. Yaralılar xəstəxanaya yerləşdirilib.
Məlum olub ki, hadisəni törədən Afiq Əhmədov olub. O, bir neçə il bundan öncə E.Əhmədova ilə boşanıb. Hər iki uşaq isə anasının himayəsində yaşayıb. Keçmiş ailə üzvlərini bıçaqlayan A.Əhmədov Xəzər Rayon Polis İdarəsinin əməkdaşları tərəfindən saxlanılıb.(apa.az)
