Bakıda fəhlə binadan yıxılıb ölüb
- 12-05-2022, 18:46
- Hadisə
![](/uploads/posts/2022-05/medium/1652371085_fehle_45867.jpg)
Prokurorluqdan Lent.az-ın sorğusuna cavab olaraq bildirilib ki, ilkin məlumata görə, Nərimanov rayonunda yeni tikilməkdə olan binanın tikintisində fəhlə işləyən Orxan Bəndəliyev iş görən zaman binanın 11-ci mərtəbəsindən ehtiyatsızlıqdan 2-ci mərtəbənin damına yıxılıb.
O, aldığı xəsarətlərdən hadisə yerində ölüb.
Faktla bağlı Nərimanov rayon Prokurorluğunda Cinayət Məcəlləsinin 222.3-cü (tikinti, mədən işlərinin və sair işlərin aparılmasının təhlükəsizlik qaydalarını pozma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb.
Hazırda iş üzrə istintaq davam edir.