İranda saxta içkidən kütləvi zəhərlənmə - Ölənlər var
İranın cənubundakı Hörmüzqan əyalətinin Bəndər Abbas şəhərində saxta spirtli içkidən zəhərlənən 75 nəfərdən 10-u həyatını itirib.“Qafqazinfo”nun xəbərinə görə, bunu Hörmüzqan Səhiyyə Elmləri Universitetinin sözçüsü Fatma Nevruziyan “Tasnim”ə bildirib.
“Bəndər Abbas şəhərində saxta spirtdən zəhərlənən 75 nəfər xəstəxanalara müraciət edib. Bu xəstələrdən 10-u həyatını itirib”, - o qeyd edib.
Sözçü əlavə edib ki, ölənlərdən biri qadındır, dörd nəfərin isə vəziyyəti ağır qiymətləndirilir.
