Rusiyada dayanacaqdakı insanlara atəş açan gənc ölü tapıldı
13-10-2020, 08:48. Разместил: azadses
Rusiyanın Nijni Novqorod şəhərində 3 nəfəri öldürüb, daha 3 nəfəri yaralayan Danil Monaxov ölü tapılıb.''Azad Səs'' “Qafqazinfo”-ya istinadən xəbər verir ki, bu barədə “İnterfaks” İstintaq Komitəsinin regional şöbəsinə istinadən məlumat yayıb.
İlkin məlumata görə, 18 yaşlı gənc intihar edib.
Qeyd edək ki, oktyabrın 12-si axşam saatlarında nənəsi ilə mübahisə edən gənc əvvəlcə ona, daha sonra isə qonşusuna atəş açaraq onları öldürmüşdü. Danil daha sonra dayanacaqdakı sərnişin avtobusuna atəş açmış, nəticədə 1 nəfər ölmüş, 3 nəfər xəsarət almışdı. O, hadisəni törədəndən sonra gizlənmişdi.
Hüquq-mühafizə orqanlarındakı mənbənin məlumatına görə, gənc ünsiyyətcil biri olmayıb, kompyuter oyunları və silahlara maraq göstərirmiş.
Вернуться назад