Tərk edilmiş Çernobıl torpaqları kənd təsərrüfatı dövriyyəsinə qaytarıla bilər
Bu gün, 10:30. Разместил: azadses
“Report” xəbər verir ki, tədqiqatın nəticələri “Journal of Environmental Radioactivity” (JER) elmi nəşrində dərc edilib.
Komandanın nəticələri torpaqların radioaktiv sezium və stronsium ilə çirklənməsinin monitorinqi nəticələrinə əsaslanır. Jitomir vilayətində 100 hektarda aparılan testlər radiasiya səviyyələrinin Ukrayna təhlükəsizlik normalarından aşağı olduğunu, işçilərin effektiv şüalanma dozasının isə təbii fon səviyyəsindən aşağı olduğunu göstərib.
Alimlər bu torpaqlarda yetişdirilən kartof, qarğıdalı, günəbaxan və taxıl bitkilərini təhlükəsiz hesab ediblər.
1986-cı ilin aprelində Çernobıl AES-də baş vermiş qəzadan sonra 6200 kv. km torpaq tərk edilmişdi. Yeni məlumatlar 20 min hektara qədər torpağın kənd təsərrüfatı dövriyyəsinə qaytarılmasına, dövlətin ərzaq təhlükəsizliyinin artırılmasına və dünyanın digər çirklənmiş regionları üçün model yaradılmasına imkan verir.
Bu kəşf onilliklər boyu kənd təsərrüfatı üçün itirilmiş hesab edilən ərazilərin reabilitasiyası üçün şans verir.
Вернуться назад