Главная > Dünya > KİV: FTB direktoru ATF-nin 1 000-ə qədər agentini FTB-yə köçürməyi planlaşdırır

KİV: FTB direktoru ATF-nin 1 000-ə qədər agentini FTB-yə köçürməyi planlaşdırır

23-03-2025, 09:42. Разместил: azadses

ABŞ-nin Alkoqol, Tütün, Odlu Silahlar və Partlayıcı Maddələrə Nəzarət Bürosunun (ATF) rəhbəri vəzifəsini icra edən Federal Təhqiqat Bürosunun direktoru Kaş Patel Büronun 1 000-ə qədər agentini FTB-yə təhvil vermək niyyətindədir.

“Report” CNN-ə istinadən xəbər verir ki, bu addım ATF-nin heyətinin sayını üçdə birdən çox azaldacaq.

Telekanalın məlumatına görə, ATF-də 2 600-ə yaxın agent və 5 000-dən çox işçi çalışır. Keçid bir neçə yüz ATF agentinin FTB daxilində sərhəd əməliyyatlarına təyinatı ilə başlayacaq. Sonradan köçürülən işçilərin sayı 1 000-ə çata bilər, baxmayaraq ki, köçürmənin tamamlanma müddəti müəyyən edilməyib.

Bundan əvvəl ABŞ Prezidenti Donald Tramp Patelə FTB-də islahatlar aparmağı tapşırıb. Daha sonra o, ATF-nin rəhbəri vəzifəsinin icraçısı təyin olunub və bu, qurumların mümkün qismən birləşməsi ilə bağlı fərziyyələrə səbəb olub.

FTB və Ədliyyə Nazirliyi vəziyyəti şərh etməkdən imtina edib.

Вернуться назад