İsrail ordusu ehtiyatdakı hərbçilərin səfərbər olacağı təqdirdə anbarları hazırlayır
8-04-2024, 08:53. Разместил: azadses
"Report"un məlumatına görə, bu barədə ordunun mətbuat xidməti xəbər yayıb.
Məlumata görə, bir neçə gün əvvəl İsrail Müdafiə Qüvvələrinin Şimal Komandanlığının məsul zonalarında hərbi əməliyyatlara hazırlığın növbəti mərhələsi başa çatıb. Vurğulanır ki, bu hazırlıqlar zəruri hallarda qoşunların geniş şəkildə səfərbər edilməsi üçün operativ fövqəladə tədarüklərə yönəlib.
Ordudan əlavə edilib ki, fövqəladə vəziyyət zamanı ehtiyat qüvvələrin dərhal səfərbər edilməsi və cəbhə xəttinə gəlməsi üçün anbarlarda saxlanılan maddi-texniki təchizat, tibb bölmələri və rabitə personalı tərəfindən daim işlək vəziyyətdə saxlanılır. Nizami və ehtiyat hissələrin komandirləri bir neçə saat ərzində bütün lazımi hərbi personalı çağırıb təchiz etməyə və müdafiə və hücum tapşırıqlarını yerinə yetirmək üçün cəbhə xəttinə çatdırmağa hazırdır.
Mətbuat xidməti onu da vurğulayıb ki, son bir neçə ay ərzində ordu rəhbərliyi İsrail qoşunlarının Qəzza zolağındakı əməliyyatlar zamanı əldə etdiyi təcrübədən ibrət götürərək dərin analitik iş aparıb və bu qənaətlər ölkədə döyüş hazırlığının artırılmasına xidmət edəcək.
Вернуться назад