İmran Xanın partiyası tam tərkibdə parlamentdən istefa verdi
11-04-2022, 18:52. Разместил: admin
Pakistanın keçmiş Baş naziri İmran Xanın partiyası “Tehrik-i İnsaf” ölkə parlamentin tərkibindən çıxıb.“Azadsəs.az” xəbər verir ki, bu barədə məlumatı “RİA Novosti” yayıb.
Məlumata görə, sözügedən partiya yeni Baş nazir seçkilərindən əvvəl belə bir qərara gəlib.
“Hamımız istefa verdiyimizi elan edirik”, - deyə ölkənin keçmiş xarici işlər naziri və “Tehrik-i-İnsaf” partiyasının vitse-prezidenti, eləcə də partiyadan Baş nazir postuna namizəd olan Şah Mahmud Qureyşi söyləyib.
Xatırladaq ki, Pakistan parlamentində yeni Baş nazirin seçilməsi üçün səsvermənin bu gün keçirilməsi planlaşdırılır. Pakistan Milli Assambleyası Baş nazir İmran Xana etimadsızlıq göstərərək onu vəzifədən kənarlaşdırıb.
Вернуться назад