Ərdoğan İslam Əməkdaşlıq Təşkilatının komitə iclasına sədrlik edəcək
23-11-2021, 21:23. Разместил: admin
Türkiyə Prezidenti Rəcəb Tayyib Ərdoğan İslam Əməkdaşlıq Təşkilatının (İƏT) İqtisadi və Ticarət Əməkdaşlıq Daimi Komitəsinin (COMCEC) iclasına sədrlik edəcək.Sayca 37-ci iclas noyabrın 24-25-də İstanbulda keçiriləcək.
Nazirlərin toplantısında yüksək səviyyəli ekspertlər tərəfindən hazırlanmış qətnamə layihələri qiymətləndiriləcək. Həmçinin yeni növ koronavirus infeksiyası (COVID-19) ilə mübarizədə İslam bankçılığının rolu ilə bağlı fikir mübadiləsi aparılacaq,
Bununla yanaşı, iclasda İƏT-in İstanbul Arbitraj Mərkəzi və İslam İndeks Fondunun layihələri də təqdim olunacaq. Eləcə də COMCEC-in komitənin üzvü olan ölkələr arasında ticarət, nəqliyyat və kommunikasiya, kənd təsərrüfatı, turizm, yoxsulluğun azaldılması və maliyyə sahələrində əməkdaşlığın inkişafı müzakirə ediləcək.
Вернуться назад