Çin zondu Marsa uğurlu eniş edib
16-05-2021, 18:00. Разместил: azadses
Çinin “Çjujun” roverini Marsa daşıyan “Tyanven 1” kosmik apparatı mayın 15-də "qırmızı planet"in səthinə uğurla enib. Bununla da, Çin SSRİ və ABŞ-dan sonra kosmik aparatının Marsa yumşaq enişini həyata keçirən üçüncü dövlət olub.Bu barədə “Sinxua” agentliyi məlumat yayıb.
Məlumata əsasən, aparat hələ ötən ilin iyul ayının 23-də Vençan kosmodromundan buraxılıb. Missiya çərçivəsində Mars orbitinə çıxış və müxtəlif manevrlər, həmçinin planetin səthində hərəkət etmək planlaşdırılır.
Alimlər Marsın atmosferi, relyefi, geoloji xüsusiyyətləri, maqnit sahələri barədə dəyərli məlumatlar toplamağa ümid edirlər.
Вернуться назад