Baltimordakı ABŞ-ın “Johnson&Johnson” zavodunun işçiləri yeni koronavirus peyvəndinin tərkib hissələrini qarışdırarkən səhvə yol veriblər. Bu 15 milyon doza dərmanın itirilməsinə səbəb olub.
Bu barədə “The New York Times” yazır.
ABŞ Qida və Dərman İdarəsi (FDA) artıq zavodda yoxlamalara başlayıb.
O da vurğulanır ki, sözügedən şirkətin tibb müəssisələrinə göndərilən peyvəndinin bütün partiyaları təhlükəsizdir, çünki onlar “Johnson&Johnson”un Niderlanddakı müəssisələrində istehsal olunub.