Alimlər Ərəbistan səhrasının mərkəzində qədim göl və çayların izlərini tapıblar

Beynəlxalq alimlər qrupu təxminən 900 il əvvəl indi quraq olan Rub-əl-Xali səhrasında nəhəng su sisteminin sübutunu tapıb.

"Report" xəbər verir ki, bu barədə tədqiqat "Communications Earth & Environment" (CEE) elmi jurnalında dərc olunub.

Komanda landşaftın geomorfoloji təhlilini aparıb, çöküntülərin tarixini müəyyənləşdirib və nəticələri arxeoloji məlumatlar ilə müqayisə edib.

Mütəxəssislər sahəsi 1100 kvadrat kilometr və dərinliyi 42 metrə qədər olan nəhəng gölün, 150 kilometr uzunluğunda vadisi olan çay sisteminin və güclü musson yağışlarının izlərini aşkar ediblər.

Məlumatlar göstərir ki, bölgə 11 000-5 500 il əvvəl rütubətli iqlim dövrü yaşayıb.

Alimlərin fikrincə, “yaşıl Ərəbistan” dövrü qədim ovçuların məskunlaşması, çoban icmalarının inkişafı və mürəkkəb ekosistemlərin formalaşması üçün əlverişli şərait yaradıb.

Lakin təxminən 6000 il əvvəl bölgədə qəfil quraqlıq baş verib ki, bu da torpaq qatına təsir edib.