Qəzza razılaşmasının birinci mərhələsi açıqlanıb: - atəşkəs, əsir mübadiləsi
- 16-01-2025, 09:42
- Dünya
"Report"un xarici KİV-ə istinadən verdiyi xəbərə görə, bu barədə Qətər, Misir və ABŞ-nin təmsil olunduğu Fələstinin HƏMAS hərəkatı ilə İsrail arasında aparılan danışıqlarda iştirak edən vasitəçilərin bəyanatında deyilir.
"Misir ərəb Respublikası, Qətər Dövləti və Amerika Birləşmiş Ştatları Qəzzadakı münaqişə tərəflərinin girovların məhbuslara dəyişdirilməsi və davamlı sabitliyə qaytarılması barədə razılığa gəldiklərini elan edirlər - bununla da tərəflər 19 yanvar 2025-ci ildə qüvvəyə minən daimi atəşkəs barədə razılığa gəldilər", - sənəddə deyilir.
Vasitəçilər əlavə ediblər ki, atəşkəs üç mərhələdə həyata keçiriləcək. “Bunlardan birincisi 42 gün davam edəcək və atəşin dayandırılması, İsrail qoşunlarının Qəzzanın sıx məskunlaşdığı ərazilərdən çıxarılması, (Qəzzadakı) girovların (İsraildəki) məhbuslarla dəyişdirilməsi, meyitlərin dəyişdirilməsi, məcburi köçkünlərin Qəzza zolağındakı yaşayış yerlərinə qaytarılması, həmçinin xəstə və yaralı fələstinlilərin anklavdan təxliyəsinin asanlaşdırılması”, - bəyanatda vurğulanır.
Misir, Qətər və ABŞ təkid edirlər ki, sazişin birinci mərhələsində Qəzzaya lazımi həcmdə humanitar yardım çatdırılmalı, sektor ərazisindəki tibb müəssisələri bərpa olunmalı və yaşayış binaları tikilməlidir.
Misir, Qətər və ABŞ Qəzza zolağında atəşkəs razılaşmasının bütün üç mərhələdə həyata keçirilməsinə zəmanət verir.
