ABŞ və Polşa hərbi əməkdaşlığı gücləndirir
- 15-08-2020, 13:04
- Dünya
ABŞ hərbçilərinin Polşadakı iştirakını gücləndirən Genişləndirilmiş Müdafiə Əməkdaşlığı Sazişi imzalanıb.“Report” xəbər verir ki, bu barədə “Twitter”də ABŞ-ın Polşadakı səfiri Corcetta Mosbaxer məlumat verib.
Qeyd olunub ki, bu saziş bu gün paytaxt Varşavada Polşa Prezidenti Anjey Duda, ABŞ-ın dövlət katibi Mayk Pompeo və Polşanın müdafiə naziri Mariuş Blaşakın iştirakı ilə imzalanıb.
Səfir bildirib ki, saziş ABŞ-ın Polşadakı hərbi iştirakının gücləndirilməsinə və uzadılmasına xidmət edəcək.
Qeyd edək ki, iki ölkə arasında razılaşma hələ iyulun 31-də əldə olunmuşdu.
